NANAMEJ TLEN TEKITI IHEA KISELÍAJ KUALI ILUITL

San Agustín Tlaxiaca, Tlatilanketl Hidalgo., majtlaktli uan se iteki tlen mestli mayo, xiuitl makuili tsontli uan majtlaktli uan chikome.

NANAMEJ TLEN TEKITI IHEA KISELÍAJ KUALI ILUITL

Kiueyimatij tekitl tlen mojmostla kichiuaj tekitinij tlen kiyekantokej tlamachtili tlen uejueyintij Ipan tlali Hidalgo. Siuatekitinij tlen kipixtokeyaj ininkoneuaj kiniluichiuilijkej yejyektsi, kiilnamijkej “nanamej inintonal”. Ipan tlanechikoli itstoya Ueyi tlayekanketl Victor Arturo Bautista Ramírez iuaya Alejandro Servín Acevedo tlen kinyekanaj tekitinij.

Se nana tijueyimatij pampa eli se maseuali katli mitsmakak yolistli, se yejyejtsi tlajpaloli aki ueli kichiua se yankuik yolistli, yaini kiijto ne siuatlayakanketl tlen tlamachtili Hidalgo Sayonara Vargas Rondriguez, yaini kiijto Tlayakanketl Victor Arturo Bautista Ramírez Kampa kiniluitilijkej nanamej tekitinij.

Kiijto, se nana eli aki mitstlachili kema iyolik timoskaltijtiyajki, aki mokuesoua ika ikoneuaj pampa axueli nochipa iniuayaj itstok ke ya kinekiskia, pampa moneki yaski tekititi uan teipa ualas icha kichiuaki sekinok tekitl tlen moneki.

Inmojuantij inkiixnextiaj se ueyi chikaualistli uan tekitl. Nochi tlen tojuantij ueliskia tijchiuasej tlen ika timechueyichiuasej, axtlauel Ueyi kentle inkichiuaj mojmostla Ipan imotekij. Ika imotlaxikolis tlejko toteki tlen tijchiuaj Ipan tlanechikoli Kampa kiyekanaj tlamachtili tlen uejueyinti. Keini kiijto Victo Bautista.

Nojki nikintlajpalouaj ika nochi noyolo nanamej tlen majtlaktli uan chikuasej tlanechikoli Ipan tlali Hidalgo. Aki inijuanti tlamachtiyaj, akitekitij Ipan kaltlanechicoli uan nochi nanamej tlen momachtiyaj.

Traductor: Ambrosio Bautista Hernández._ Responsable del Proyecto Indígena Bilingüe, de la Coordinación regional 1315-Atlapexco.

Lengua: Náhuatl de la Huasteca Hidalguense.

Coordinador Regional de Zona: Jorge Luís Lozano Medina, 1315-Atlapexco.