TEKITINIJ TLEN IHEA NENKEJ IPAN UAXTEKAPA TLALI TLEN HIDALGO TEMAKTILITOJ AMATLAMACHTILIXNEXTILI

TEKITINIJ TLEN IHEA NENKEJ IPAN UAXTEKAPA TLALI TLEN HIDALGO TEMAKTILITOJ AMATLAMACHTILIXNEXTILI

GIRA DEL IHEA POR LA HUASTECA HIDALGUENSE PARA ENTREGA DECONSTANCIAS Y CERTIFICADOS A GRADUADOS

Víctor Arturo Bautista Ramírez, tlayakanketl ipan tlamachtili tlen uejueyintij Ipan tlali Hidalgo. Yajki Ipan Uaxtekapa tlali kampa kiyekanato iluitl ika momachtiyanij tlen kiselijkej iniamatlamachtilis uan nojkia kinimaktilitoj se achi tlapaleuili ika tomi tlen momachtijkeyaj uan ueliyaj tlaixpouaj. Nojkia kitlapoto se kaltlamachtili Kampa momachtisej nochi maseualmej ika tepostlajkuilo ne Atlapexco, Hidalgo.

Achtoui kinxochimakakej nochi tlanauatiyanij tlen asitoyaj ipan tlanechikoli, uan teipa kinimakakej majtlajkmej maseualmej iniama tlen kitlamiltijtoyaj intlamachtilis, ni momachtiyanij ualauij ne Xiquila uan Horcones sekij momachtijkej Ipan tlamachtili tlen náhuatl uan sekinok Ipan kaxtiltekatl. Nojkia kiselijkej chikuasempoali uan kaxtoli maseualmej se tlapaleuili tlen Proyectos Productivos ni mochijki Ipan kaltlamachtiloya Capitan Antonio Reyes Cabrera, monechikojkej momactiyanij tlen ualauij San Antonio, Santa Catarina, Cuacuilco, Papaloapan, Zapotitla, Oxtomal 1, Zoquitzintla, Tepexititla, Cececapa uan Chiquimecatitla.

Victor Bautista Ramírez kiitojki Ipan IHEA uan INEA, mopaleuiyaj nochi tekichiuanij tlen tekitij Ipan tlatilantli, ijkino temaktiliaj kali kampa uelis momachtisej maseualmej.

Kiijtojki kema onka maseualmej tlen axueli tlaixpoua, tlauel tekueso, uan kema momachtiyaj uan ueliyaj achiyok kuali mopaleuiyaj Ipan inialtepej, kuali mokamauiyaj, kuali tlajkuilouaj uan sekinok miak tlamantli kimachiliyaj. “Ipan IHEA tijpixtokej ome tlamantli tlen uejueyintij uan telpokamej o ichpokamej nochi uelis kitokilisej intlamachtilis”.

Kema kamanaltik momachtijketl María Luisa Díaz Hernández, kiitojki “kema tipilkentsitsi tiitstoyaj axuelki timomachtiyaj pampa totatauaj axkipiyayaj tomi, yeka axuelki tijtlamiltiaj totlamachtilis, kema nechnotskej manimomachtiti nimomajmati uan nimoiluiyaya sanenka elis, uan nama niitstok inmoixpa uan kena niuelki, kuali nikinyekanas nochaneuaj”.

Ipan ni tlanechikoli ualajki Mayra Horta kiixnextiko ne Sayonara Vargas Rodríguez uan Juan Benito Ramírez Romero, tlen kiyekantokej tlamachtili ni Hidalgo.

KITLAPOTO KALTLAMACHTILOYA KAMPA KITEKIUISEJ TEPOSTLAJKUILOLI NE ATLAPEXCO, HIDALGO

Ika ompa tekitl Victor Arturo Bautista Ramírez yajki ipan Atlapexco kitlapoto yankuik kaltlamachtiloya Kampa momachtisej telpokamej uan uejueyinti ika tepostlajkuiloli, ipan ni tlanechikoli nojkia yajki Teresa Flores Nochebuena yajaya tekichijketl tlen Atlapexco tlatilatli, kiijtoki IHEA tlauel kipaleuia ni tlatitlantli pampa miaki kitlamiltiaj intlamachtilis, uan nojki kiueyimai tlapaleuili tlen tekichijketl Omar Fayad Meneses tlen kiijtojtok kitlalis ueyi tlamachtili ipan totlali Hidalgo.

Kiijtojki kisenkauas ojtli kampa uelis nejnemisej maseualmej uan asisej kaltlamachtiloya, nojkia kitlalis tlauili ijkino nempa elis kema tlayoua, axtleno majmatli onkas.

Tekichijketl Omar Fayad Meneses kiijtojtok nitlamachtili ma asi nochi ipan altepetinij, yeka IHEA kitemoua kaltlamachtiloya kampa kuali momachtisej maseualmej, nojki ni tekitl kichiua tlamachtianij uan Técnicos Docentes Kampa Victor kintlaskamatilia miak.

IHEA nojkia yajkej ne altepetl Mecatlan tlen Yahualica kampa kinimaktilitoj maseualmej iniama tlen kitlamiltijkeyaj inintlamachtilis uan nojkia kinimakato nauipoali uan chikuase momachtianij se achi tomi tlen ya uelia tlaixpoua. Ipan ni tlanechikoli kamanalojki Eustorgio Hernández Morales yajaya tekichijketl tlen Yahualica tlatilantli, kiijtojki kiniseliaj ika miak iyolo nochi maseualmej, nojki kamanalo Said Chávez Cobos seyok tekichijketl tlen Uexotla tlatitlantli uan sekinok miakij tekichiuanij asikej ipan ni iluitl.

Ipan ni tlanechikoli kamanalojki momachtijketl Nelsy Esmeldi Gómez Terrazas, Kampa kiijtojki ika miak iyolchikaualis moneki momachtisej nochi maseualmej pampa ya momachtijkia uan kimachilia moskaltitok ika ixtlamatili uan kitlaskamatilia IHEA pampa kipaleuijki, nojkia kitlaskamatili Sayonara Vargas aki kiyekantok tlamachtili.

Ni tekitl mochiua ika itlanauatil tlen ueyi tekichijketl kampa kineki ni Mexko tlali uan Hidalgo manochij uelikaj tlaixpouasej uan tlajkuilosej.

Traductor: Ambrosio Bautista Hernández
Lengua: Náhuatl de la Huasteca Hidalguense
Coordinación Regional: 1315-Atlapexco