RA HE´MI THOGI HMÄÄ

 

Ra nsihni ga ´befi nsadi ra IHEA ´ne ra nguu Ts´utbiga mfäts´i ya Dängä jä´i

Nuni Ha ra t´u Hnini Nt´ope ha ra Nsaha rá thuuhu T´opathe, rá hyoni ra hnini Ntsutk´ani, bi nja ´na ra hmunts´i, habu bi mudi ra t´unga he´mi ga juata nsadi xa thani ya jä´I, nuna ra nyoho zänä nuna jeya, hange ´nehe ya Ts´utbi bi hyoki ´na ra nkohi ga ´befi nu Ra Ngu Nsadi pa ya Dängä jä´i (IHEA)´ne Ra Nguu Ts´utbi ga Mfats´i ya Dängä jä´i Hidalgo(IAAAMEH).

Njabu ´nehe ra Däts´utbi ra IHEA Victor Arturo Bautista Ramírez bi uni ra hoga ´ñehe ´ne ra njamadi, ga´tho ya dängä jä´i ge bi juati rá mahyoni nsadi, hange bi ´ñenä “Mapabye nuua ´Monda di ´yo ri uadi t´o hinxa juati rá nsadi , ngu ra mudi, ya nyoho ´ne ra hñuu nsadi.

Di hne ge ga´tho ya me ´Monda da bädi ra nthe´ta t´ofo, ge njabu rá mfeni ga´tho ya Ts´utbi, ha dí ´banteihu, ge nzäntho ja ra hoga gamfri nu´ä ra nsadi xka hänihu, ´ne rá ´befi ri ´ñumpate” njabu bi mää Bautista Ramírez.

´Nehe bi mää Bautista Ramírez, ge umbi ra njamadi ga´tho ya mefi Ra t´u Ngu ga Nsadi Nts´utk´ani, habu di ´yo ´ñuu ra ñänte Felipa Pastor Rafael, ´ne nuyu di unga ra nsadi ha ya t´u hnini.

Nubye bi uadi bi tumbi ya mfäxä bojä ya däk´ei, ya Ts´utbi bi nsihni ´na ra he´mi ga mfäxä ´befi ko ra Ngu Nsadi pa ya Dängä Jä´i IHEA ´ne ra Nguu Ts´utbi ga Mfats´i ya Dängä Jä´i Hidalgo IAAAMEH., habu bi ntini ngu hñuu nthebe ya jä´i, ge bi hñäni ya mfats´i.

Nubye bi ñä ra Däts´utbi ra IAAMEH,Alejandro Mariel Díaz, bi mää ge ga´tho ya Nguu ga Mfats´i, honi da ´yo ri hogi rá ´mui ya däjä´i, ngu ra nsadi, ga nt´othe ´ne ma ´ra ya mfats´i, nge´ä ´bu ma ´ra ya jä´i hinxa hñäni ya mfats´i nguyu.

Njabu ra IHEA di mfaste nubye da uni rá mudi jeya ga ´befi ra Dängä Ts´utbi Omar Fayad Meneses, hange ra IHEA xa honi ya ´behña ´ne ya däjä´i di tsot´e 682 ya ´mo 653 nuyu pe´tsi ´ret´a ma kut´a njeya ha hinxa juati rá mahyoni nsadi, ´ne honi hanja ma ´ra ya ja´i da bädi ra ntheta t´ofo, ge rá mfeni ra Däts´utbi Ra Dängä Nguu T´untho ra Nsadi , Sayonara Vargas.

Traducción al Otomí