IKAN TLATOLE “NIK KUI IN TLATOL WAN NIK NOTSA IKA MASEWALTLATOL”, O MOCHIW IN WEYI TONALI IKAN TO MASEWALTLATOL

O ti mo sentlalike ikan weyi tonali tlen to masewaltlatol, tlen o mochiw in sempoali wan se tonali, ome metstli, tlen o kito in weyikakalame sekninkate ikan tlamachtianti, wan tlalnamikiani(UNESCO), tlamachtiloya weyi siwame wan weyitlakame (IHEA), o papak ikan siwame wan tlakame tlen tekitike ipan altepeme tlen mo notsake ikan masewaltlatol , ihko kuale tik mo nonotsaske ikan masewaltlatol wan amo poliwis in maswaltlatol hñahñu, Mexicatl altepetl huasteca y náhuatlatol eksala tepeme Puebla.

In tlamachtianti tlamachtiloya weyisiwame wan weyitlakame (IHEA), okichiw seki tlanonotsali, kani o mo sentlalike in tlamachitiani Nelson Martínez Barragán, tlen o tekit wan o ki yektlali in IHEA, axa ayuko tekiti-, tlen o tech nonots “ keni o mo yektlali inin masewaltekit”, o tech tlalnamik ken o mo yektlatli in masewaltlatol ipan INEA wan ken o mochiw in INEA-kakala Hidalgo ipan 1982, ken o mochihke amame in ikan to masewaltlatol.

Oki tenenonots inin se tlapewatekitl in aki amo ki mati tlakuilos wan tlaxpowas okasik mieke tlakame wan sowame tlen amo ki matiayake tlatoske kestilla tlatol wan ika ini katka tekiyo kin machtiske tlakuiloske wan tlaxpowaske ye kani oyek wan ki tlalike se kaltlamachtiani ika ni masewaltlatol kani in tlatoltekime ki chichiwke in amochtle wan kenin tekitiske ika inin tlen ki palewis ika tlen ki chichiwake in tomasewal ikniwa ipa in weyi kakalatli.

In weyi tlatoltlanonotsal tlen itoka ¿tleka ni tlatos ika no masewaltol? Tlen tech nonotsas in tlamachtiani Liliana Mojica Hernández tlen tekiti ipa in weyikaltlachtiani universidad intercultural de Hidalgo (UICEH) tekiti ika in tlatolte mayas wan otopames ohko ika in amatekitl wan tlakuiloli in tomasewaltlatol one ipa mochi in weyi altepetl mexico kani kimat ke kipia mieke masewaltlatol tleka kati 364 masewaltlatolti.

Okito ipan in UNESCO, kate seki masewaltlatol tel yi polihtikate keni in Otomí tlen mo notsa ipan altepetl Mezquita, wan Nahual tlen yau poliwi.

Ikino, xo tik kin nonotsa in tlakame ma tlatoka ni min masewaltlatol, ipan ni mi altepeme wan ni min kaltlamachtiloya.” Tleka ijo amo poliwis wan tik sentlaliske in to tlamachtiani, tlalnamikiani.

In weyi tlamachtiani tlen ka ipan IHEA, Víctor Arturo Bautista Ramírez, o tlasomatili in tekit tlen ki chiwa in IHEA ipan altepeme kani tla masewaltlamachiake (MIB); nima sekni ikan tlamachtiani tlen ka ipan tlamachtiloya ipan IHEA, Patricia Sosa Arrendo, o kin makak seki tlasokamatili in weyi tlakame tlen o mo sentlalike ipan inin tonal masewaltlatole.